انتقل للمحتوى
  • الرئيسية
  • المنصة +
    • جديد كوفاوندر
    • كيف يشتغل
    • الفرص
    • المجتمع
    • الشركات الناشئة
    • أكاديمية كوفاوندر
  • موارد +
    • الفلسفة
    • الأسئلة
    • نشرة كشّاف
  • آراء الأعضاء
  • تواصل معنا
الخصوصية والشروط
كوفاوندر

جديد كوفاوندر

كل اللي ضفناه وصلحناه، والأحدث فوق.

  1. 20 نوفمبر 2026

    • أداة جديدة للبحث عن اسم مشروعك بشكل بسيط.
    • صلحنا بعض الأخطاء وحسّنا بعض عناصر الواجهة.
  2. 7 نوفمبر 2026

    • بطلبكمتقدر الحين تفتح حتى 3 طلبات في «شارك رأيك» بنفس الوقت، ولو كانت كلها لنفس المشروع.
    • بطلبكمفتحنا التقديم للانضمام لفريق كوفاوندر من «الرئيسية». جاوب على كم سؤال سريع، ويوصلك ردنا بتنبيه وإيميل.
    • بطلبكمأضفنا الوضع الداكن. يتبع إعدادات جهازك تلقائيا، وتقدر تغيّره من «المظهر» في «حسابي».
    • وحّدنا عرض صور المشاريع والخدمات بين القائمة وصفحاتها، وتقدر تشوف الصورة كاملة وقت إضافتها. ولأفضل نتيجة، استخدم صورة بالعرض بنسبة 4:3، مثل 1200×900.
    • بطلبكمسهّلنا تعديل كرتك: كل خانة تنحفظ بضغطة «احفظ»، وحسابات التواصل تنحفظ تلقائيا بعد تعديلها.
    • أطلقنا نشرة «كشّاف»، توصلك على إيميلك بمشاريع واعدة من مجتمع كوفاوندر. تشترك فيها من cofounder.sa/#kashaf
  3. 1 نوفمبر 2026

    • كرتك صار في محفظة أبل، تشاركه بسهولة ويتحدث تلقائيا مع أي تعديل.
    • «المشاريع» صارت «الأعمال»، وتجمع مشاريع الأعضاء والوظايف والخدمات.
    • أضفنا «وظايف»، تلقى فيها المشاريع اللي توظف وتطلب الانضمام مباشرة، والوظايف اللي تناسب مجالك تطلع لك أول هنا وفي «الرئيسية».
    • وضحنا تفاصيل الوظايف: نوع الدوام، وطريقة العمل، والمنطقة. وإذا عندك وظيفة منشورة، كمل بياناتها من تعديل المشروع.
    • اللي تكتبه صار ينحفظ تلقائيا على جهازك مع الصور، عشان ترجع وتكمل من مكان ما وقفت.
    • أضفنا «جودة» للمجالات، وحسنا تجربة الاستخدام في «الرئيسية» و«حسابي» و«شارك رأيك».
  4. 30 أكتوبر 2026

    • كوفاوندر بحلّة جديدة، وخمسة أقسام: «الرئيسية»، «شريك»، «المجتمع»، «المشاريع»، و«الموارد». و«بياناتي» صارت «حسابي»، وتلقى فيها كرتك وكل ما يخصك وإعداداتك.
    • أضفنا «المجالس» في «المجتمع». أي عضو يقدر يفتح مجلس أونلاين أو على أرض الواقع، واللي يبي يحضر يضغط «بحضر» ويوصله تذكير قبل الموعد.
    • طلبتوا مكان تستشيرون فيه أهل الخبرة، وأضفنا «الخبراء» في «المجتمع». الخبير يحدد أوقاته المتاحة، وأنت تحجز الوقت اللي يناسبك. وكل حجوزاتك تلقاها في «مواعيدي».
    • بطلبكمأضفنا «شارك رأيك». عندك مشروع وتبي رأي الناس فيه؟ حط أسئلتك وشارك الرابط مع أعضاء كوفاوندر أو أي أحد، والإجابات ما يشوفها إلا أنت.
    • بطلبكمزدنا الفرص وأضفنا نوعين جديدين: «استشارات» و«دعم تقني».
    • أضفنا «قطاعات واعدة» في الأكاديمية، تتعرف فيها على القطاعات اللي تركز عليها السعودية اليوم، ووين الفرص في كل قطاع.
    • أضفنا البحث و«التنبيهات»، وصرت تقدر تحجب أي شخص من صفحته.
    • صار تقدر تبلّغ عن مشكلة، أو تقترح فرصة، أو تقدّم عرض خاص للمؤسسين.
    • سهّلنا التسجيل، وحسّنا شكل كوفاوندر على مختلف أحجام الشاشات، وطوّرنا تجربة الاستخدام.
  5. 20 أكتوبر 2026

    • بطلبكمأضفنا زر رجوع في «أبحث» جنب الفلاتر، يرجعك لكروت اليوم وتقدر تغيّر إجابتك عليها. والكروت اللي شفتها خلال الأسبوع تلقاها في «التوافقات» تحت «شفتهم هالأسبوع»، وتقدر تغيّر إجابتك عليها بعد. وتغيير إجابتك على الكروت السابقة ما ينحسب من كروت اليوم.
    • حسّنا طريقة ترتيب الكروت في «أبحث» عشان تطلع لك التوافقات المحتملة بشكل أفضل.
    • صار كل توافق معه رسالة جاهزة تقدر تنسخها وترسلها للشخص الثاني، فيها مجالك ومشروعك وليش تشوف إنكم مناسبين لبعض. وتقدر تعدّل عليها قبل ترسلها.
    • أضفنا قسم «توافقاتك» في «الرئيسية» يذكّرك ترسل أول رسالة لتوافقاتك الجديدة. وبعد 3 أيام من التوافق، بنسألك إذا تواصلتوا، عشان نفهم وش يصير بعد التوافق ونحسّن التجربة.
    • صار تقدر تحط خصم لأعضاء كوفاوندر على أي خدمة من خدماتك، وتحدد نسبته وكوده إذا تبي. الأعضاء يشوفون الكود وطريقة التواصل معك، ويطلبون الخصم برابط يثبت إنهم أعضاء.
  6. 19 أكتوبر 2026

    • إذا طلبت خصم من أحد الشركاء، صار تجيك رسالة فيها رابط يثبت للشريك إنك عضو في كوفاوندر. الرابط صالح لمدة يوم، وإذا انتهى تقدر تطلع رابط جديد من صفحة الخدمة.
    • إذا فتحت مشروع من صفحة أحد وضغطت رجوع، صار يرجعك لنفس الصفحة بدل الرئيسية.
    • صلحنا بعض الأخطاء وحسّنا بعض عناصر الواجهة.
  7. 18 أكتوبر 2026

    • صار التسجيل أقصر، وتقدر تكمل بيانات كرتك من «الرئيسية» متى ما بغيت.
    • بطلبكمزدنا عدد الكروت اللي تقدر تشوفها يوميا في «أبحث» من 30 إلى 50.
    • أضفنا ميزة «شركاء كوفاوندر»، اللي تتيح للشركاء تقديم خصومات لأعضاء المجتمع على خدماتهم. تقدر تعرفهم من العلامة الذهبية جنب أسمائهم، وتلقى عروضهم في «عروض كوفاوندر» داخل «الفرص».
    • أضفنا ميزة «سفراء كوفاوندر»، وتقدر تعرفهم من العلامة الزرقاء جنب أسمائهم.
    • أضفنا خيار «اقترح أداة» في «الفرص» ضمن قسم «الأدوات المجانية»، عشان تقدر تقترح أدوات تشوف إنها تفيد المجتمع.
  8. 17 أكتوبر 2026

    • إذا تقدم خدمتك بدون مقابل، صار تقدر تحدد إنها «مجانية» وتوضح هالشي للناس.
    • أطلقنا دليل الشركات الناشئة السعودية على cofounder.sa/startups، ومتاح للكل بدون تسجيل. أي مشروع مرحلته «منتج قائم» أو «يحقق إيرادات» يظهر في الدليل باسمه ووصفه وقطاعه ومنطقته وموقعه، بدون اسمك أو صورتك. وإذا تبي مشروعك يظهر داخل التطبيق بس، وقف خيار «اعرضها في دليل الشركات الناشئة» من إعدادات المشروع.
    • صار واضح في صفحة كل فرصة إذا التقديم عليها مفتوح أو مقفل. وإذا كانت مقفلة، تقدر تضغط «نبّهني إذا فتح»، ونرسل لك تنبيه وإيميل أول ما يفتح التقديم.
  9. 16 أكتوبر 2026

    • صار تقدر تضيف مشاريعك السابقة في صفحتك، وتحدد السنوات اللي اشتغلت عليها. ما تظهر في المشاريع ولا في كرتك بس في صفحتك. افتح المشروع وفعّل خيار «المشروع خلص».
    • صلحنا كم مشكلة وحسّنا بعض الأشياء في الواجهة.
    • أضفنا مجالات واهتمامات جديدة، مثل العمارة والاستثمار والتصنيع والتقنية القانونية. إذا اخترت «أخرى» قبل، تقدر تحدّثها من كرتك.
    • صار تقدر تختار 5 مجالات و5 اهتمامات كحد أقصى، لأن كثرتها مو دايم أفضل. الأهم إنها تعبّر عنك بوضوح وتسهّل على المؤسسين التعرف عليك.
    • سهّلنا الانضمام لمجتمع كوفاوندر. زر «انضم للمجتمع» صار يوضح لك الخطوات، مع رابط تحميل تيليجرام، ويذكّرك في الرئيسية لين تنضم.
    • حسّنا طريقة الترحيب بالأعضاء الجدد للحفاظ على خصوصية الأعضاء.
    • عندك فرصة أو عرض أو أداة تفيد المؤسسين؟ شاركها في «اقتراحات» بالمجتمع. أضفنا دعوة للمشاركة في نهاية صفحة الفرص.
    • صرنا نسأل الأعضاء الجدد مرة وحدة عن هدفهم من كوفاوندر وكيف عرفوا عنه.
كوفاوندر

مجتمع للمؤسسين في السعودية، يتبادلون فيه الخبرات والآراء ويلقون الفرص.

اسأل الذكاء الاصطناعي عن كوفاوندر
دليل النماذج اللغوية

المنصة

  • جديد كوفاوندر
  • كيف يشتغل
  • المجتمع
  • الشركات الناشئة
  • أكاديمية كوفاوندر

موارد

  • الفلسفة
  • الأسئلة
  • نشرة كشّاف

كوفاوندر

  • آراء الأعضاء
  • من نحن
  • تواصل معنا

قانوني

  • الخصوصية والشروط

© 2026 كوفاوندر. جميع الحقوق محفوظة.