انتقل للمحتوى
  • الرئيسية
  • المنصة +
    • جديد كوفاوندر
    • كيف يشتغل
    • الفرص
    • المجتمع
    • الشركات الناشئة
    • أكاديمية كوفاوندر
  • موارد +
    • الفلسفة
    • الأسئلة
    • نشرة كشّاف
  • آراء الأعضاء
  • تواصل معنا
الخصوصية والشروط
كوفاوندر

الخصوصية والشروط

كوفاوندر مجتمع للمؤسسين في السعودية. هنا نوضح لك وش البيانات اللي نجمعها، وكيف نستخدمها، والشروط اللي تنطبق على استخدامك للمجتمع.

البيانات اللي نجمعها

نجمع رقم جوالك لتسجيل دخولك والتحقق من حسابك، والمعلومات اللي تضيفها في كرتك ومشاريعك، وبريدك الإلكتروني، وبعض بيانات الاستخدام اللي تساعدنا نحسن الموقع.

كيف نستخدم بياناتك

نستخدم بياناتك عشان نشغل حسابك، ونعرض كرتك للمؤسسين، ونساعدك تلقى المؤسسين اللي يناسبونك، ونحافظ على مجتمع آمن للكل.

مين يقدر يشوف بياناتك؟

رقم جوالك ما يظهر لباقي الأعضاء. المؤسسين يقدرون يشوفون كرتك، وأنت تتحكم في طريقة عرض حساباتك المرتبطة. وإذا صرت خبير في كوفاوندر أو فتحت مجلس، تظهر صفحتك كخبير ومجلسك لكل زوار الموقع، حتى في واجهة كوفاوندر، باسمك وصورتك وخبرتك. نشارك الحد الأدنى اللازم من بياناتك مع الخدمات اللي نعتمد عليها في تشغيل الموقع، مثل خدمات إرسال رموز التحقق.

الأرقام اللي ننشرها

ممكن ننشر أرقام عامة عن المجتمع، مثل عدد الأعضاء، أو كم مؤسس يشتغل في التصميم، أو نسبة الرجال والنساء في كل مجال. هذي الأرقام مجمعة، ما فيها اسمك ولا رقمك ولا أي شي يدل عليك.

بياناتك بيدك

تقدر تعدل كرتك أو توقف ظهوره أو تحذف حسابك من الإعدادات متى ما بغيت. ويوم تحذف حسابك، نحذف كل بياناتك من كوفاوندر.

شروط الاستخدام

نتوقع من الكل يستخدمون كوفاوندر باحترام ومسؤولية. ممنوع انتحال الشخصيات، ونشر المحتوى المسيء أو المضلل، وإزعاج الأعضاء أو إساءة استخدام المجتمع.

ومن حق كوفاوندر يخفي المحتوى المخالف أو يوقف الحسابات اللي تخالف هذي الشروط.

المعلومات والفرص المنشورة في كوفاوندر للاستفادة وتبادل المعرفة، وما تعتبر استشارة مهنية أو قانونية أو مالية.

الخدمات والعروض اللي يقدمها الأعضاء والشركاء في كوفاوندر يقدمونها بأنفسهم وعلى مسؤوليتهم. كوفاوندر ما يقدم هذي الخدمات ولا يضمنها، وما هو طرف في أي اتفاق بينك وبين مقدمها، فتأكد بنفسك قبل ما تتفق مع أحد.

علامة «شريك كوفاوندر» تعني إن صاحبها جهة تأكدنا من سجلها التجاري أو وثيقة العمل الحر، وتقدم لأعضاء المجتمع خصم أو ميزة، وعلامة «سفير كوفاوندر» تقدير لمساهمته في المجتمع، ولا وحدة منهم تعني إن كوفاوندر يضمن صاحبها أو خدماته. ومن حق كوفاوندر يسحب العلامة أو يخفي أي خدمة متى ما شاف إن هذا مناسب، ومنها لو وصلتنا شكاوى عليها.

المجالس الحضورية لازم تكون في أماكن عامة، مثل المطاعم والكافيهات وغيرها. وبعد ما تفتح مجلسك، بيراجعه فريق كوفاوندر قبل نشره.

إذا واجهتك مشكلة مع أي خدمة، بلغنا من زر «بلغ».

التحديثات

ممكن نحدث هذي الصفحة من وقت لوقت. وإذا فيه تغيير جوهري على الخصوصية أو الشروط، بنعلن عنه في «جديد كوفاوندر».

كوفاوندر

مجتمع للمؤسسين في السعودية، يتبادلون فيه الخبرات والآراء ويلقون الفرص.

اسأل الذكاء الاصطناعي عن كوفاوندر
دليل النماذج اللغوية

المنصة

  • جديد كوفاوندر
  • كيف يشتغل
  • المجتمع
  • الشركات الناشئة
  • أكاديمية كوفاوندر

موارد

  • الفلسفة
  • الأسئلة
  • نشرة كشّاف

كوفاوندر

  • آراء الأعضاء
  • من نحن
  • تواصل معنا

قانوني

  • الخصوصية والشروط

© 2026 كوفاوندر. جميع الحقوق محفوظة.